ХӨТӨЛБӨРИЙН ҮНДЭСЛЭЛ:
     Ханбогд сумын ахмадын хороо нь 400 гаруй ахмадыг эгнээндээ багтаан тэдний эрх ашиг, нийгмийн баталгааг хангахад тодорхой хувь нэмэр оруулан ажилладаг. Гэвч ахмадуудын насжилттай холбоотой өвчин эмгэг, хөдөлгөөний дутагдал зэргээс урьдчилан сэргийлэх чиглэлийн үйл ажиллагаа явуулах нөхцөл боломж муутай байдаг.
 

ХӨТӨЛБӨРИЙН ЗОРИЛГО:
      Эрүүл насжилтыг дэмжих нөхөн сэргээх тусламж үйлчилгээг ахмадуудад онцгойлон үзүүлж тэдний амьдралын чанарыг дээшлүүлэх, идэвхтэй урт удаан наслалт, нийгэм, гэр бүл дэх оролцоог нэмэгдүүлэхэд оршино.

 

ХӨТӨЛБӨРИЙН ХҮРЭЭНД ХИЙГДСЭН АЖИЛ:
     Иргэдийн эрүүл мэндийг сайжруулахад чиглэсэн 34 ширхэг дасгалын тоног төхөөрөмж, хэрэгсэл нийлүүлж мэргэжлийн эмч туслах ажилтны хамт 6 сарын хугацаанд /нэг сард 3 удаа/ иргэдэд сургалт зохион байгуулсан.
 

ХӨТӨЛБӨРИЙН ҮР ӨГӨӨЖ:

• Ханбогд сумын Ахмадын хороо нь иргэдийн эрүүл мэндийг сайжруулахад чиглэсэн 34 ширхэг тоног төхөөрөмж, хэрэгслээр хангагдсан.
• Сумын 400 гаруй иргэд, ахмад мэргэжлийн эмчийн заавар зөвлөмжийн дагуу дасгал хөдөлгөөн хийж байна.
• Ахмадууд эрүүл мэндээ сайжруулан чөлөөт цагаа зөв боловсон өнгөрүүлж байна.

ХӨТӨЛБӨРИЙН ХЭРЭГЖИЛТ, ҮР ДҮН:

• Говийн оюу хөгжлийг дэмжих сангийн Удирдах зөвлөлийн 2019 оны нэгдүгээр сарын 24-ний өдрийн хурлын 3 тоот тогтоолоор батлагдсан Зорилтот сумдад жил бүр олгох санхүүжилтийн квотын хүрээнд “Эрүүл насжилт” хөтөлбөрийг хэрэгжүүлсэн
• Ханбогд сумын ЗДТГ нь “Говийн оюу хөгжлийг дэмжих сан”-гийн “Төсөл, хөтөлбөр санхүүжүүлэх удирдамж”, “Говийн оюу хөгжлийг дэмжих санд ирүүлсэн саналыг хянан үзэх, үнэлэх, шийдвэр гаргах проткол”-д нийцүүлэн эрэмбэлэх, сонгон шалгаруулах ажлын хэсгүүдийн шийдвэрээр төслийг сонгон шалгаруулсан
• “Говийн оюу хөгжлийг дэмжих сан” нь захиалагч Ханбогд сумын ЗДТГ болон хөтөлбөрийн хэрэгжүүлэгч Ханбогд сумын Ахмадын хороотой санхүүжилтийн гэрээ байгуулсан.
• Ханбогд сумын засаг даргын захирамжаар байгуулагдсан ажил хүлээлцэх комиссын шийдвэрээр төслийн ажлыг хүлээж авсан
• Ханбогд сумын Ахмадын хороо нь дасгалын тоног төхөөрөмжүүдээр хангагдан иргэд, ахмадууд мэргэжлийн эмчийн заавар зөвлөмжийн дагуу дасгал хөдөлгөөн хийж эрүүл мэнддээ анхаарах, сайжруулах, чөлөөт цагаа зөв боловсон өнгөрүүлэх эерэг үзүүлэлтүүд бий болсон.