ХӨТӨЛБӨРИЙН ҮНДЭСЛЭЛ:
      Сэврэй сумын соёлын төвийн тайзны гэрэлтүүлэг стандартын шаардлагад нийцэхгүй байна. Үүнээс шалтгаалан гадаа болон дотор соёл урлагийн үйл ажиллагаа, тоглолт зохион байгуулах нөхцөл боломж хязгаарлагдмал байна.
 

ТӨСЛИЙН ЗОРИЛГО:
     Сумын соёл урлагийн үйл ажиллагаа явуулах таатай орчин бүрдүүлэн зохион байгуулж байгууллагын өнгө үзэмж, тоног төхөөрөмжийг сайжруулан үйлчлүүлэгчдийн сэтгэл ханамжийг нэмэгдүүлэх
 

ТӨСЛИЙН ХҮРЭЭНД ХИЙГДЭХ АЖИЛ:
      Сэврэй сумын соёлын төвд 4 төрлийн 5 ширхэг тайзны гэрэлтүүлэг нийлүүлж, суурилуулна.
 

ТӨСЛИЙН ҮР ӨГӨӨЖ:
      Сумын болон гаднаас ирсэн уран бүтээлчдийн тоглолтын чанар сайжирч цэнгүүн, соёл урлагийн үйл ажиллагаанд ахиц гарч сумын төвийн нийт иргэд, үйлчлүүлэгчдийн сэтгэл ханамж нэмэгдэнэ.
 

ТӨСЛИЙН ХЭРЭГЖИЛТ, ҮР ДҮН:

• “Говийн Оюу хөгжлийг дэмжих сан”-гийн 2018 оны 3 дугаар сарын 15-ны өдрийн Удирдах зөвлөлийн хурлын 8 тоот тогтоолоор батлагдсан Зорилтот сумдад жил бүр олгох санхүүжилтийн хүрээнд “Тайзны гэрэлтүүлэг” хөтөлбөрийг хэрэгжүүлсэн
• Сэврэй сумын ЗДТГ нь “Говийн Оюу хөгжлийг дэмжих сан”-гийн “Төсөл, хөтөлбөр санхүүжүүлэх удирдамж”, “Говийн Оюу хөгжлийг дэмжих санд ирүүлсэн саналыг хянан үзэх, үнэлэх, шийдвэр гаргах протокол”-д нийцүүлэн эрэмбэлэх, сонгон шалгаруулах ажлын хэсгүүдийн шийдвэрээр төслийг сонгон шалгаруулсан
• “Говийн Оюу хөгжлийг дэмжих сан” нь захиалагч Сэврэй сумын ЗДТГ болон хөтөлбөрийн хэрэгжүүлэгч “Харайхын бор гүвээ” хоршоотой санхүүжилтийн гэрээ байгуулав
• Сэврэй сумын Засаг даргын захирамжаар байгуулагдсан ажил хүлээлцэх комиссын шийдвэрээр төслийн ажлыг хүлээж авсан
• Хэрэгжүүлэгч “Харайхын бор гүвээ” хоршоо төслийн гэрээний ажлыг хугацаанд нь чанартай гүйцэтгэн комисст хүлээлгэн өгснөөр Өмнөговь аймгийн Сэврэй сумын болон гаднаас ирсэн уран бүтээлчдийн тоглолтын чанар сайжирч цэнгүүн, соёл урлагийн үйл ажиллагааг зохион байгуулахад ахиц гарч сумын төвийн нийт иргэд, үйлчлүүлэгчдийн сэтгэл ханамж нэмэгдэв.