ХӨТӨЛБӨРИЙН ҮНДЭСЛЭЛ:
     Сэврэй сумын төвийн суурьшил нь баруун байр, төвийн хэсэг, зүүн байр гэсэн 3 хороололд тархан байршсан байдаг. Төслөөр засварлах энэ спорт талбай нь сумын хэмжээний хүүхэд, залуучууд ирж тоглодог ганц талбай юм. Гэтэл бетон талбай хагарч муудсан, сагсны шийд эвдэрсэн, хашаа хамгаалалтгүй байна.
 

ТӨСЛИЙН ЗОРИЛГО:
     Хүүхэд залуучуудад чөлөөт цагаа зөв боловсон өнгөрүүлэх, спортод дурлах, хичээллэх, иргэдийг хөдөлгөөний дутагдлаас урьдчилан сэргийлэх зэрэг эерэг нөлөөг эрчимжүүлэх
 

ТӨСЛИЙН ХҮРЭЭНД ХИЙГДЭХ АЖИЛ:
     Сэврэй сумын төвийн Зүүн байрны спорт талбайг засварлаж ашиглалтад хүлээлгэн өгнө.
 

ТӨСЛИЙН ҮР ӨГӨӨЖ:

• Сумын хүүхэд, залуучууд чөлөөт цагаа зөв боловсон өнгөрүүлнэ
• Хүүхэд залуучууд спортод дурлах, хичээллэх нөхцөл бүрдэнэ
• Иргэдэд хөдөлгөөний дутагдлаас сэргийлэх боломж олгоно.

ТӨСЛИЙН ХЭРЭГЖИЛТ, ҮР ДҮН:

• “Говийн Оюу хөгжлийг дэмжих сан”-гийн 2018 оны 3 дугаар сарын 15-ны өдрийн Удирдах зөвлөлийн хурлын 8 тоот тогтоолоор батлагдсан Зорилтот сумдад жил бүр олгох санхүүжилтийн хүрээнд “Зүүн байрны спорт талбай засварлах” төслийг хэрэгжүүлсэн
• Сэврэй сумын ЗДТГ нь “Говийн Оюу хөгжлийг дэмжих сан”-гийн “Төсөл, хөтөлбөр санхүүжүүлэх удирдамж”, “Говийн оюу хөгжлийг дэмжих санд ирүүлсэн саналыг хянан үзэх, үнэлэх, шийдвэр гаргах протокол”-д нийцүүлэн эрэмбэлэх, сонгон шалгаруулах ажлын хэсгүүдийн шийдвэрээр төслийг сонгон шалгаруулсан
• “Говийн оюу хөгжлийг дэмжих сан” нь захиалагч Сэврэй сумын ЗДТГ болон төслийн гүйцэтгэгч иргэн О.Өрнөх ахлагчтай иргэдийн бүлэгтэй санхүүжилтийн гэрээ байгуулав
• Сэврэй сумын Засаг даргын захирамжаар байгуулагдсан ажил хүлээлцэх комиссын шийдвэрээр төслийн ажлыг хүлээж авсан
• Гүйцэтгэгч О.Өрнөх ахлагчтай иргэдийн бүлэг төслийн гэрээний ажлыг  хугацаанд нь чанартай гүйцэтгэн комисст хүлээлгэн өгснөөр Өмнөговь аймгийн Сэврэй сумын хүүхэд залуучуудад чөлөөт цагаа зөв боловсон өнгөрүүлэх, спортод дурлах, хичээллэх, иргэдийг хөдөлгөөний дутагдлаас урьдчилан сэргийлэх зэрэг эерэг үр дүн гарах юм.