ХӨТӨЛБӨРИЙН ҮНДЭСЛЭЛ:
      Сэврэй сумын Бүйлсэн багийн нутагт мал угаах, эрүүлжүүлэх үйл ажиллагаа хийгдэхгүй байгаа бөгөөд ган зуд тохиолдсон жилүүдэд малын ашиг шим буурч үс ноос гүйцэд ургахгүйд хүрч махл тарга авахгүй улмаас мах, сүүний хангамж муудаж нийгэм, эдийн засгийн хөгжилд муугаар нөлөөлж байна. Иймд тус бүс нутагт мал угаалгын ванн барин нутгийн мал сүргийг халдварт, паразит өвчнүүдээс урьдчилан сэргийлж мал сүргийг эрүүлжүүлэх, иргэдэд эрүүл малаас гарсан бүтээгдэхүүн нийлүүлэх шаардлагатай байна.
 

ТӨСЛИЙН ЗОРИЛГО:

     Сэврэй сумын Бүйлсэн багийн мал сүргийг халдварт, паразит өвчнүүдээс урьдчилан сэргийлж мал сүргийг эрүүлжүүлэх, иргэдэд эрүүл малаас гарсан бүтээгдэхүүн нийлүүлэх
 

ТӨСЛИЙН ХҮРЭЭНД ХИЙГДЭХ АЖИЛ:

      Сэврэй сумын Бүйлсэн багийн нутагт мал угаалгын ванн барьж ашиглалтанд хүлээлгэн өгнө.
 

ТӨСЛИЙН ҮР ӨГӨӨЖ:

• Тус багийн мал сүрэг эрүүлжиж, ган зудыг даван туулах чадвар сайжирна.
• Эрүүл малын бүтээгдэхүүн хэрэглэснээр хүн ардын эрүүл мэндэд тустай.
• Бүйлсэн багийн 40 гаруй айл өрхийн мал сүрэг халдварт болон паразит өвчнөөс хамгаалагдана.

ТӨСЛИЙН ХЭРЭГЖИЛТ, ҮР ДҮН:

• “Говийн Оюу хөгжлийг дэмжих сан”-гийн 2018 оны 3 дугаар сарын 15-ны өдрийн Удирдах зөвлөлийн хурлын 8 тоот тогтоолоор батлагдсан Зорилтот сумдад жил бүр олгох санхүүжилтийн хүрээнд “Бүйлсэн багийн нутагт мал угаалгын ванн барих” төслийг хэрэгжүүлсэн
• Сэврэй сумын ЗДТГ нь “Говийн Оюу хөгжлийг дэмжих сан”-гийн “Төсөл, хөтөлбөр санхүүжүүлэх удирдамж”, “Говийн Оюу хөгжлийг дэмжих санд ирүүлсэн саналыг хянан үзэх, үнэлэх, шийдвэр гаргах протокол”-д нийцүүлэн эрэмбэлэх, сонгон шалгаруулах ажлын хэсгүүдийн шийдвэрээр төслийг сонгон шалгаруулсан
• “Говийн оюу хөгжлийг дэмжих сан” нь захиалагч Сэврэй сумын ЗДТГ болон төслийн гүйцэтгэгч иргэн С.Бямбадорж ахлагчтай иргэдийн бүлэгтэй санхүүжилтийн гэрээ байгуулав
• Сэврэй сумын засаг даргын захирамжаар байгуулагдсан ажил хүлээлцэх комиссын шийдвэрээр төслийн ажлыг хүлээж авсан
• Гүйцэтгэгч С.Бямбадорж ахлагчтай иргэдийн бүлэг төслийн гэрээний ажлыг хугацаанд нь чанартай гүйцэтгэн комисст хүлээлгэн өгснөөр Өмнөговь аймгийн Сэврэй сумын Бүйлсэн багийн малчид мал сүргээ халдварт өвчнөөс урьдчилан сэргийлэх, малын гаралтай хүнсний бүээгдэхүүний чанар сайжрах зэрэг эерэг үр дүн гарсан юм.