ТӨСЛИЙН ҮНДЭСЛЭЛ:
      Сэврэй сумын Хоолт багийн нутаг дахь Хоёр худагт гэдэг газар нь Хонгорын голын элсний зам дагууд байршилтай бөгөөд одоогоор нутгийн иргэдийн бүлгүүдээс хариуцан замын хажууд задгай модон ширээн дээр гар урлалын бүтээл, малын гаралтай бүтээгдэхүүнээ жуулчдад сурталчлан зарж борлуулдаг бөгөөд урин дулааны улирлуудад тасралтгүй үйл ажиллагаа явуулж байна. Энэ нь цаг агаарын таагүй нөхцөлд иргэдийн бүтээгдэхүүний хадгалалт, хамгаалалт найдваргүй, үйлчилгээний соёл муу зэрэг сөрөг дутагдал их байна.
 

ТӨСЛИЙН ЗОРИЛГО:
     Нутгийн иргэдийн өрхийн орлогын эх үүсвэрийг нэмэгдүүлэх, гадаад, дотоодын жуулчдад үндэсний өв соёлыг сурталчлах, түүх соёлоо хойч үеийн залууст танин мэдүүлэх, өвлүүлэх, ард иргэдийн мэдлэг боловсролыг нэмэгдүүлэх
 

ТӨСЛИЙН ХҮРЭЭНД ХИЙГДЭХ АЖИЛ:

• Сэврэй сумын Хоолт багийн нутагт музейн үзмэр хадгалах зориулалтаар 4м*5м хэмжээтэй төмөр байр барих
• 3м*4м хэмжээтэй 2 ширхэг сүүдрэвч барих
• 1.6м*1.6м хэмжээтэй бетон талбай цутгах
• Нарны ээрчим хүчээр ажиллах гэрэлт цамхаг суурилуулах

ТӨСЛИЙН ҮР ӨГӨӨЖ:

• Үндэсний өв соёлыг жуулчдад сурталчлах
• Нутгийн иргэдийн өрхийн орлогыг нэмэгдүүлэх
• Түүх соёлоо хойч үеийн залууст танин мэдүүлэх, өвлүүлэх
• Ард иргэдийн мэдлэг боловсролд нөлөөлөх зэрэг эерэг үр дүн гарах юм

ТӨСЛИЙН ХЭРЭГЖИЛТ, ҮР ДҮН:

• “Говийн Оюу хөгжлийг дэмжих сан”-гийн 2018 оны 3 дугаар сарын 15-ны өдрийн Удирдах зөвлөлийн хурлын 8 тоот тогтоолоор батлагдсан Зорилтот сумдад жил бүр олгох санхүүжилтийн хүрээнд “Хоолт багийн музей байгуулах” төслийг хэрэгжүүлсэн
• Сэврэй сумын ЗДТГ нь “Говийн оюу хөгжлийг дэмжих сан”-гийн “Төсөл, хөтөлбөр санхүүжүүлэх удирдамж”, “Говийн оюу хөгжлийг дэмжих санд ирүүлсэн саналыг хянан үзэх, үнэлэх, шийдвэр гаргах протокол”-д нийцүүлэн эрэмбэлэх, сонгон шалгаруулах ажлын хэсгүүдийн шийдвэрээр төслийг сонгон шалгаруулсан
• “Говийн Оюу хөгжлийг дэмжих сан” нь захиалагч Сэврэй сумын ЗДТГ болон төслийн гүйцэтгэгч иргэн Г.Баттөр ахлагчтай иргэдийн бүлэгтэй санхүүжилтийн гэрээ байгуулав
• Сэврэй сумын Засаг даргын захирамжаар байгуулагдсан ажил хүлээлцэх комиссын шийдвэрээр төслийн ажлыг хүлээж авсан Гүйцэтгэгч Г.Баттөр ахлагчтай иргэдийн бүлэг төслийн гэрээний ажлыг хугацаанд нь чанартай гүйцэтгэн комисст хүлээлгэн өгснөөр Өмнөговь аймгийн Сэврэй сумын Хоолт багийн нутагт музейн зориулалтаар ашиглах байртай болж нутгийн иргэдийн өрхийн орлогын эх үүсвэр нэмэгдүүлэх, гадаад, дотоодын жуулчдад үндэсний өв соёлыг сурталчлах, түүх соёлоо хойч үеийн залууст танин мэдүүлэх, өвлүүлэх, ард иргэдийн мэдлэг боловсролд нөлөөлөх зэрэг эерэг үр дүн гарсан юм.