ТӨСЛИЙН ҮНДЭСЛЭЛ:
      Сэврэй суманд мод тарих, ойжуулах ажил маш бага хийгдсэн. Мөн сумын төвийн баруун байрны хороололд хуучин жорлон, муу усны нүх ихтэй хөрсний бохирдолтой бөгөөд ашиглалтгүй олон жил болж байгаа газар байгаа. Иймд энэ газарт ногоон байгууламж байгуулж байгаль орчноо хамгаалах, нөхөн сэргээх, сумын өнгө үзэмжийг сайжруулах шаардлагатай байна.
 

ТӨСЛИЙН ЗОРИЛГО:
     Сумын төв дэх хуучин жорлон, муу усны нүх байсан доройтолд орсон газарт ногоон байгууламж бий болгож хөрсний бохирдлыг багасгах, иргэдийн амралт чөлөөт цаг өнгөрүүлэх цэцэрлэгт хүрээлэн болгох эхлэлийг тавих.
 

ТӨСЛИЙН ХҮРЭЭНД ХИЙГДЭХ АЖИЛ:

• Сэврэй сумын төвийн баруун байрны хорооллын 0.14га газрыг тэгшилж хашна
• Талбайг элс, бууцаар бордоно
• Улиас, хайлаас, сухай, агч зэрэг модны нийт 55 ширхэг суулгац суулгана
• Усалгааны 100м шланг талбайд байрлуулна

ТӨСЛИЙН ҮР ӨГӨӨЖ:

• Сумын төвийн ногоон байгууламж нэмэгдэж сумын өнгө үзэмж сайжирна
• Цөлжилттэй тэмцэх ажилд хувь нэмэр болно
• Иргэдийн амралт, чөлөөт цагаа өнгөрүүлэх цэцэрлэгт хүрээлэн бий болох эхлэл тавигдана

ТӨСЛИЙН ХЭРЭГЖИЛТ, ҮР ДҮН:

• “Говийн оюу хөгжлийг дэмжих сан”-гийн 2018 оны 3 дугаар сарын 15-ны өдрийн Удирдах зөвлөлийн хурлын 8 тоот тогтоолоор батлагдсан Зорилтот сумдад жил бүр олгох санхүүжилтийн хүрээнд “Бяцхан төгөл” хөтөлбөрийг хэрэгжүүлсэн
• Сэврэй сумын ЗДТГ нь “Говийн оюу хөгжлийг дэмжих сан”-гийн “Төсөл, хөтөлбөр санхүүжүүлэх удирдамж”, “Говийн оюу хөгжлийг дэмжих санд ирүүлсэн саналыг хянан үзэх, үнэлэх, шийдвэр гаргах протокол”-д нийцүүлэн эрэмбэлэх, сонгон шалгаруулах ажлын хэсгүүдийн шийдвэрээр төслийг сонгон шалгаруулсан
• “Говийн Оюу хөгжлийг дэмжих сан” нь захиалагч Сэврэй сумын ЗДТГ болон төслийн хэрэгжүүлэгч “Алаг цавын нуруу”ХХК-тай санхүүжилтийн гэрээ байгуулав
• Сэврэй сумын Засаг даргын захирамжаар байгуулагдсан ажил хүлээлцэх комиссын шийдвэрээр төслийн ажлыг хүлээж авсан
• Гүйцэтгэгч “Алаг цавын нуруу”ХХК хөтөлбөрийн гэрээний ажлыг хугацаанд нь чанартай гүйцэтгэн комисст хүлээлгэн өгснөөр Өмнөговь аймгийн Сэврэй сумын сумын төвийн нийтийн эзэмшлийн хөрсний бохирдолд орсон 0,14 га талбайг хашаажуулан мод тарьж байгаль орчин, сумын төвийн өнгө үзэмжийг сайжруулав.