ХӨТӨЛБӨРИЙН ҮНДЭСЛЭЛ:
      Төв суурин газрын хог хаягдлын менежмент муутайгаас хүрээлэн буй орчин, хөрсийг маш ихээр бохирдуулж, цаашлаад хүн амын эрүүл мэнд, хот, тосгоны өнгө үзэмжинд сөргөөр нөлөөлж байна.
 

ХӨТӨЛБӨРИЙН ЗОРИЛГО:

• Байгууллага, иргэдийг хог хаягдлыг анхан шатанд нь ангилан ялгах нөхцөл боломж, мэдээллээр хангах
• Хог хаягдал зайлуулах үйлчилгээг хариуцдаг байгууллагын машин, техникийг засварлаж үйлчилгээний хүртээмжийг нэмэгдүүлэх
• Хоггүй цэвэр сум болох

ХӨТӨЛБӨРИЙН ХҮРЭЭНД ХИЙГДЭХ АЖИЛ:

• Сэврэй сумын төвийн аж ахуйн нэгж байгууллагуудын гадна болон төв талбайд нийт 30 ширхэг хогийн сав хийж байрлуулах
• Эвдэрсэн хогийн трактор машиныг засаж хэвийн ажиллагаанд оруулах
• Хог хаягдлын ангилан ялгалтын талаар иргэдэд мэдээлэл өгөх
• Хог шатаах зуух барих

ХӨТӨЛБӨРИЙН ҮР ӨГӨӨЖ:

• Сэврэй сумын төвийн 621 өрх, 2009 иргэд төслийн үр шимийг хүртэнэ
• Сумын төвийн хөрсний бохирдлыг бууруулна
• Байгаль орчноо хамгаална
• Иргэдийн эрүүл мэндэд сайнаар нөлөөлнө.

ХӨТӨЛБӨРИЙН ХЭРЭГЖИЛТ, ҮР ДҮН:

• Говийн оюу хөгжлийг дэмжих сангийн 2018 оны 3 дугаар сарын 15-ны өдрийн Удирдах зөвлөлийн хурлын 8 тоот тогтоолоор батлагдсан Зорилтот сумдад жил бүр олгох санхүүжилтийн хүрээнд Хоггүй цэвэр сум төслийг хэрэгжүүлсэн
• Сэврэй сумын ЗДТГ нь “Говийн Оюу хөгжлийг дэмжих сан”-гийн “Төсөл, хөтөлбөр санхүүжүүлэх удирдамж”, “Говийн оюу хөгжлийг дэмжих санд ирүүлсэн саналыг хянан үзэх, үнэлэх, шийдвэр гаргах протокол”-д нийцүүлэн эрэмбэлэх, сонгон шалгаруулах ажлын хэсгүүдийн шийдвэрээр хөтөлбөрийг сонгон шалгаруулсан
• “Говийн Оюу хөгжлийг дэмжих сан” нь захиалагч Сэврэй сумын ЗДТГ болон захиалагчийн шалгаруулсан гүйцэтгэгч “Аяга арц” компанитай санхүүжилтийн гэрээ байгуулав
• Сэврэй сумын Засаг даргын захирамжаар байгуулагдсан ажил хүлээлцэх комиссын шийдвэрээр хөтөлбөрийн ажлыг хүлээж авсан
• Хэрэгжүүлэгч “Аяга арц” ХХК хөтөлбөрийн гэрээний ажлыг хугацаанд нь чанартай гүйцэтгэн комисст хүлээлгэн өгснөөр Өмнөговь аймгийн Сэврэй сумын төвийн 621 өрх, 2009 иргэд төслийн үр шимийг хүртэж, сумын төвийн хөрсний бохирдлыг бууруулж, байгаль орчноо хамгаалахэд эерэг үзүүлэлт гарлаа.