ХӨТӨЛБӨРИЙН ҮНДЭСЛЭЛ:
      Сэврэй сумын сургуулийн барилга анх баригдсан цагаас хойш буюу 40 гаруй жилийн хугацаанд хими биологийн кабинетын лабораторийн багаж хэрэглэл, бодис урвалж, техник хэрэгсэл, анги танхимын эд хогшилд ямар нэгэн шинэчлэл хийж байгаагүй. Тус сургуулийн хими биологийн кабинетын туршилтын багаж хэрэгсэл муудаж, хоцрогдсон, бодис урвалж чанараа алдсан, хими биологийн үзүүлэн багаж хэрэгсэл байхгүй, эрүүл ахуйн шаардлага хангасан ханын шүүгээ байхгүй зэрэг сургалтын хэрэглэгдэхүүний дутагдал маш их байна. Мөн сурагчдад байгалийн ухааны төрөл бүрийн сорил туршилт хийх, аюулгүй орчинд сурч боловсрох нөхцөл хангагдахгүй байна
 

ХӨТӨЛБӨРИЙН ЗОРИЛГО:
     Сургуулийн хими биологийн кабинетыг сургалтын хэрэглэгдэхүүн, багаж, химийн урвалж бодисоор хангаж сурагчдын хичээллэх орчныг стандартын шаардлагад нийцүүлэх
 

ХӨТӨЛБӨРИЙН ХҮРЭЭНД ХИЙГДЭХ АЖИЛ:
     Сэврэй сумын ЕБС-ийн хими, биологийн кабинетад багаж, сургалтын хэрэглэгдэхүүн, химийн урвалж бодис зэрэг 13 нэр төрлийн 75 ширхэг эд зүйлсийг нийлүүлнэ.
 

ХӨТӨЛБӨРИЙН ҮР ӨГӨӨЖ:
     Сэврэй сумын ЕБС-ийн 7-8-р ангийн 68 сурагчийн байгалийн ухаан, хими, биологийн хичээл явагдах орчин нөхцөл сайжирч тэдэнд юмс үзэгдлийн мөн чанарыг туршилтаар судалж мэдэх чадвар, хүрээлэн буй орчиндоо ээлтэй хандах эерэг хандлагыг төлөвшүүлнэ.
 

ХӨТӨЛБӨРИЙН ХЭРЭГЖИЛТ, ҮР ДҮН:

• “Говийн оюу хөгжлийг дэмжих сан”-гийн 2018 оны 3 дугаар сарын 15-ны өдрийн Удирдах зөвлөлийн хурлын 8 тоот тогтоолоор батлагдсан Зорилтот сумдад жил бүр олгох санхүүжилтийн хүрээнд “М.Пунцагийн нэрэмжит ЕБС- ийн биологийн кабинет тохижуулах” хөтөлбөрийг хэрэгжүүлсэн
• Сэврэй сумын ЗДТГ нь “Говийн оюу хөгжлийг дэмжих сан”-гийн “Төсөл, хөтөлбөр санхүүжүүлэх удирдамж”, “Говийн Оюу хөгжлийг дэмжих санд ирүүлсэн саналыг хянан үзэх, үнэлэх, шийдвэр гаргах протокол”-д нийцүүлэн эрэмбэлэх, сонгон шалгаруулах ажлын хэсгүүдийн шийдвэрээр хөтөлбөрийг сонгон шалгаруулсан
• Говийн Оюу хөгжлийг дэмжих сан нь захиалагч Сэврэй сумын ЗДТГ болон хөтөлбөрийн хэрэгжүүлэгч “Арвин-Эрдэнэ” иргэдийн бүлэгтэй санхүүжилтийн гэрээ байгуулав
• Сэврэй сумын Засаг даргын захирамжаар байгуулагдсан ажил хүлээлцэх комиссын шийдвэрээр хөтөлбөрийн ажлыг хүлээж авсан
• Хөтөлбөрийн хэрэгжүүлэгч “Арвин-эрдэнэ” иргэдийн бүлэг тоглоом нийлүүлэх ажлыг гэрээний хугацаанд чанартай гүйцэтгэн комисст хүлээлгэн өгснөөр Өмнөговь аймгийн Сэврэй сумын ЕБС-ийн 7-8-р ангийн 68 сурагчийн байгалийн ухаан, хими, биологийн хичээллэх орчин нөхцөл сайжирч тэдэнд юмс үзэгдлийн мөн чанарыг туршилтаар судалж мэдэх чадвар, хүрээлэн буй орчиндоо ээлтэй хандах эерэг хандлагыг төлөвшүүлнэ.