ХӨТӨЛБӨРИЙН ҮНДЭСЛЭЛ:
     Сэврэй сумын 20-р цэцэрлэг нь 55 дахь жилдээ үйл ажиллагаагаа явуулж байгаа 2018-2019 оны хичээлийн жилд өдрийн ангийн 106, тойргийн 180 хүүхдийг хамруулж, 9 багш нийт 14 ажилтны орон тоотой үйл ажиллагаа явуулж байна. Тус цэцэрлэг нь сүүлийн 5 жилд сэтгэхүй хөгжүүлэх тоглоом болон сургалтын хэрэглэгдэхүүнээр хангагдаагүйн улмаас хүүхэд хөгжүүлэх орчин нөхцөл муутай байсан.
 

ХӨТӨЛБӨРИЙН ЗОРИЛГО:

• Хүүхэд хөгжүүлэх тоглоомуудаар хангагдсан цэцэрлэгийн орчин бүрдүүлэх
• 20-р цэцэрлэгийн 4 бүлгийн 106 хүүхэд, тойргийн цэцэрлэгийн насны 180 хүүхдийн оюун санаа, сэтгэл зүйн болон бие бялдрын хөгжлийг сайжруулах, хүүхдэд өөртөө итгэх итгэл, тэсвэр тэвчээр бий болгох, багаар ажиллах, асуудлаа шийдвэрлэх чадваруудыг эзэмшүүлнэ.

ХӨТӨЛБӨРИЙН ХҮРЭЭНД ХИЙГДЭХ АЖИЛ:
     Сэврэй сумын 20-р цэцэрлэгт 10 нэр төрлийн 118 ширхэг тоглоом нийлүүлнэ.
 

ХӨТӨЛБӨРИЙН ҮР ӨГӨӨЖ:

• Хүүхэд хөгжүүлэх тоглоом, хэрэгслээр хангаж, сургуулийн өмнөх боловсрол олгох үйл ажиллагаа явуулахад хэвийн нөхцөл бүрдүүлсэн
• Хамран сургах тойргийн хүүхдүүд сургуулиас өмнөх боловсрол эзэмших нөхцөл бүрдсэн

ХӨТӨЛБӨРИЙН ХЭРЭГЖИЛТ, ҮР ДҮН:

• Сэврэй сумын ЗДТГ нь “Говийн Оюу хөгжлийг дэмжих сан”-гийн “Төсөл, хөтөлбөр санхүүжүүлэх удирдамж”, “Говийн оюу хөгжлийг дэмжих санд ирүүлсэн саналыг хянан үзэх, үнэлэх, шийдвэр гаргах протокол”-д нийцүүлэн эрэмбэлэх, сонгон шалгаруулах ажлын хэсгүүдийн шийдвэрээр хөтөлбөрийг сонгон шалгаруулсан
• Говийн Оюу хөгжлийг дэмжих сан нь захиалагч Сэврэй сумын ЗДТГ болон хөтөлбөрийн хэрэгжүүлэгч 20-р цэцэрлэгтэй санхүүжилтийн гэрээ байгуулав
• Сэврэй сумын Засаг даргын захирамжаар байгуулагдсан ажил хүлээлцэх комиссын шийдвэрээр хөтөлбөрийн ажлыг хүлээж авсан
• Хөтөлбөрийн хэрэгжүүлэгч О.Мөнхцэцэг ахлагчтай иргэдийн бүлэг тоглоом нийлүүлэх ажлыг гэрээний хугацаанд чанартай гүйцэтгэн комисст хүлээлгэн өгснөөр Өмнөговь аймгийн Сэврэй сумын 20-р цэцэрлэгийн 4 бүлгийн 106 хүүхэд, тойргийн цэцэрлэгийн насны 180 хүүхдийн оюун санаа, сэтгэл зүйн болон бие бялдрын хөгжлийг сайжруулах, хүүхдэд өөртөө итгэх итгэл, тэсвэр тэвчээр бий болгох, багаар ажиллах, асуудлаа шийдвэрлэх чадваруудыг эзэмшүүлэх боломж бүрдэв.