ХӨТӨЛБӨРИЙН ҮНДЭСЛЭЛ:
     Ажил орлогогүй, хөжлийн бэрхшээлтэй иргэд хямд өртөгтэй материалаар, гэртээ үйлдвэрлэл явуулан өрхийн орлогоо нэмэгдүүлэхэд декупаж урлалыг тохиромжтой гэж үзэн хөтөлбөрийн саналыг боловсруулсан бөгөөд Ханбогд суманд энэ чиглэлээр үйл ажиллагаа явуулдаг иргэн, аж ахуйн нэгж, байгууллага байдаггүй тул орон нутгийн брэнд бүтээгдэхүүн болгон хөгжүүлэх боломжтой юм.

ТӨСЛИЙН ЗОРИЛГО:

• Ханбогд сумын хөдөлмөр эрхэлдэггүй, хөгжлийн бэрхшээлтэй 10 эмэгтэйг 10 хоногийн декупаж урлалын сургалтад хамруулна.
• Сургалтад хамрагдсан хүмүүст батламж гардуулах
• Сургалтаар хийсэн бүтээлээр үзэсгэлэн гаргах

ТӨСЛИЙН ХҮРЭЭНД ХИЙГДЭХ АЖИЛ:

• Ханбогд сумын хөдөлмөр эрхэлдэггүй, хөгжлийн бэрхшээлтэй 10 эмэгтэйд 10 хоногийн хугацаанд декупаж урлалын чиглэлээр сургалт хийнэ
• Сургалтад хамрагдсан хүмүүст батламж гардуулах
• Сургалтаар хийсэн бүтээлээр үзэсгэлэн гаргах

ТӨСЛИЙН ҮР ӨГӨӨЖ:
     Зорилтот бүлгийн иргэд өрхийн орлогоо нэмэгдүүлэх боломжтой болно.
 

ТӨСЛИЙН ХЭРЭГЖИЛТ, ҮР ДҮН:

• “Говийн Оюу хөгжлийг дэмжих сан”-гийн 2018 оны 3 дугаар сарын 15-ны өдрийн Удирдах зөвлөлийн хурлын 8 тоот тогтоолоор батлагдсан Зорилтот сумдад жил бүр олгох санхүүжилтийн хүрээнд “Декупаж гар урлал” хөтөлбөрийг хэрэгжүүлсэн
• Ханбогд сумын ЗДТГ нь “Говийн Оюу хөгжлийг дэмжих сан”-гийн “Төсөл, хөтөлбөр санхүүжүүлэх удирдамж”, “Говийн Оюу хөгжлийг дэмжих санд ирүүлсэн саналыг хянан үзэх, үнэлэх, шийдвэр гаргах протокол”-д нийцүүлэн эрэмбэлэх, сонгон шалгаруулах ажлын хэсгүүдийн шийдвэрээр төслийг сонгон шалгаруулсан
• “Говийн Оюу хөгжлийг дэмжих сан” нь захиалагч Ханбогд сумын ЗДТГ болон хөтөлбөрийн хэрэгжүүлэгч Энх энгүүн хатад ТББ-тай санхүүжилтийн гэрээ байгуулав
• Энх энгүүн хатад ТББ хөтөлбөрийн гэрээний ажлыг хугацаанд нь чанартай хэрэгжүүлснээр Өмнөговь аймгийн Ханбогд сумын ажил эрхэлдэггүй, орлогогүй, хөгжлийн бэрхшээлтэй 10 эмэгтэй хаягдал цаас, сонин болон хямд өртөгтэй материалаар гар урлалын бүтээлүүд хийж сурах бөгөөд цаашлаад тэд өөрийн бичил бизнестэй болох боломж бүрдэх юм.