ХӨТӨЛБӨРИЙН ҮНДЭСЛЭЛ:
     Залуучуудыг хөгжүүлэх төрийн бодлого болон уул уурхай түшиглэсэн сумын онцлогтой уялдуулан орон нутгийнхаа залуучуудын нийгмийн идэвх оролцоог нэмэгдүүлэх, чадавхжуулах, зөв дадал хэвшилд төлөвшүүлэх шаардлагатай байна.
 

ТӨСЛИЙН ЗОРИЛГО:

• Ханбогд сумын залуучуудыг уул уурхайн компанид ажиллахад нь дэмжлэг үзүүлэх зорилгоор англи хэлний мэдлэгийг нь сайжруулах, хүнд машин механизмын мэргэжлийн үнэмлэхтэй сургалтан хамруулах, чадавхжуулах
• Оюу толгойн уурхайн цогцолбороос Ханбогд сумын төв хүртэлх авто замын дагуух нөлөөллийн бүсийн иргэд, мал сүргийн эрүүл мэнд, амь насыг авто замаас үүсэх осол, аюулаас хамгаалах

ТӨСЛИЙН ХҮРЭЭНД ХИЙГДЭХ АЖИЛ:

• FARO сургалтын төвөөс 5 хоногт 600 үйл үг цээжлүүлэх англи хэлний сургалт зохион байгуулах
• Хөгжлийн шийдэл ТББ-аас гарааны бизнесийг дэмжих 2 хоногийн сургалт, гарааны бизнесийн дадал олгон хэвшүүлэх хөтөлбөр
• Форум ланд сургалтын төвөөс 15-20 иргэдэд хөнгөлөлттэй үнээр уул уурхайн хүнд машин механизмын операторын 4-5 чиглэлээр мэргэжлийн үнэмлэхтэй сургалт, практик дадлага хөтөлбөр
• Оюу толгойн уурхайгаас Ханбогд сумын төв хүртэлх авто замын дагуух 5-8 өрхийн иргэдэд зориулан авто замын осол, эрсдэлээс урьдчилан сэргийлэх талаар нөлөөллийн ажил зохион байгуулна

ТӨСЛИЙН ҮР ӨГӨӨЖ:
     Зорилтот бүлгийн залуус чадавхжиж, малчин иргэд авто замын осол, эрсдэлээс урьдчилан сэргийлэх мэдлэг мэдээлэлтэй болсон байна.
 

ТӨСЛИЙН ХЭРЭГЖИЛТ, ҮР ДҮН:

• Говийн оюу хөгжлийг дэмжих сангийн 2018-03-15-ны өдрийн Удирдах зөвлөлийн хурлын 8 тоот тогтоолоор батлагдсан Зорилтот сумдад жил бүр олгох санхүүжилтийн хүрээнд “Залуусын оролцоог нэмэгдүүлэх нь” хөтөлбөрийг хэрэгжүүлсэн
• Ханбогд сумын ЗДТГ нь Говийн оюу хөгжлийг дэмжих сангийн “Төсөл, хөтөлбөр санхүүжүүлэх удирдамж”, “Говийн оюу хөгжлийг дэмжих санд ирүүлсэн саналыг хянан үзэх, үнэлэх, шийдвэр гаргах проткол”-д нийцүүлэн эрэмбэлэх, сонгон шалгаруулах ажлын хэсгүүдийн шийдвэрээр төслийг сонгон шалгаруулсан
• Говийн оюу хөгжлийг дэмжих сан нь захиалагч Ханбогд ЗДТГ болон хөтөлбөрийн хэрэгжүүлэгч Ханбогд залуусын нэгдэл ТББ-тай санхүүжилтийн гэрээ байгуулав
• Хөтөлбөрийн хэрэгжүүлэгч Ханбогд залуусын нэгдэл ТББ гэрээний ажлыг хугацаанд нь чанартай хэрэгжүүлснээр Өмнөговь аймгийн Ханбогд сумын зорилтот бүлгийн залуус чадавхжиж, малчин иргэд авто замын осол, эрсдэлээс урьдчилан сэргийлэх мэдлэг мэдээлэлтэй болсон байна.