ХӨТӨЛБӨРИЙН ҮНДЭСЛЭЛ:
     Сурагчдын оюуны спортоор хичээллэх сонирхлыг өдөөж, тэднийг аймаг, улс, тив, дэлхийн хэмжээний тэмцээнүүдэд оролцох боломжоор хангах, өрсөлдөх чадварыг нь нэмэгдүүлэхэд урт хугацааны зохион байгуулалттай арга хэмжээг хэрэгжүүлэх шаардлагатай.
 

ХӨТӨЛБӨРИЙН ЗОРИЛГО:
     Ханбогд сумын ерөнхий боловсролын сургуульд даамны дугуйлан хичээллүүлэхэд шаардлагатай сандал, ширээ, техник хэрэгсэл, даам, бусад хичээлийн хэрэгслээр хангагдсан тохилог клубтэй болж, 1-9 дүгээр ангийн 840 сурагчид даамны спортоор хичлээллэн чөлөөт цагаа зөв боловсон өнгөрүүлэх, сэтгэн бодох чадвараа хөгжүүлэх, аливаа зүйлд хүлээцтэй хандах, зөв дүгнэлт шийдвэр гаргах зэрэг чадварыг төлөвшүүлэх

ХӨТӨЛБӨРИЙН ХҮРЭЭНД ХИЙГДЭХ АЖИЛ:

• Ханбогд сумын ерөнхий боловсролын сургуулийн 1 өрөөг тохижуулан даамны клуб нээж 1-9 дүгээр ангийн 840 сурагчдад 9 сарын хугацаанд 100 буудалт болон 64 буудалт даамны 640 цагийн сургалт зохион байгуулах,
• Улаанбаатар хотод болох улсын чанартай тэмцээнд баг бэлтгэн 2 удаа оролцуулах.
• Улаанбаатар хотоос сургагч багш урьж тэмцээнд оролцох сурагчдад 10 өдрийн сургалт зохион байгуулна

ХӨТӨЛБӨРИЙН ҮР ӨГӨӨЖ:
     Сурагчид чөлөөт цагаа зөв боловсон өнгөрүүлэх, сэтгэн бодох чадвараа хөгжүүлэх, аливаа зүйлд хүлээцтэй хандах, зөв дүгнэлт шийдвэрийг гаргах зэрэг чадваруудыг төлөвшүүлэх эерэг үр дүн гарах юм.
 

ХӨТӨЛБӨРИЙН ХЭРЭГЖИЛТ, ҮР ДҮН:

• “Говийн Оюу хөгжлийг дэмжих сан”-гийн 2018 оны 3 дугаар сарын 15-ны өдрийн Удирдах зөвлөлийн хурлын 8 тоот тогтоолоор батлагдсан Зорилтот сумдад жил бүр олгох санхүүжилтийн хүрээнд “Сэтгэмж” хөтөлбөрийг хэрэгжүүлсэн
• Ханбогд сумын ЗДТГ нь “Говийн Оюу хөгжлийг дэмжих сан”-гийн “Төсөл, хөтөлбөр санхүүжүүлэх удирдамж”, “Говийн Оюу хөгжлийг дэмжих санд ирүүлсэн саналыг хянан үзэх, үнэлэх, шийдвэр гаргах протокол”-д нийцүүлэн эрэмбэлэх, сонгон шалгаруулах ажлын хэсгүүдийн шийдвэрээр хөтөлбөрийг сонгон шалгаруулсан
• “Говийн Оюу хөгжлийг дэмжих сан” нь захиалагч Ханбогд сумын ЗДТГ болон хөтөлбөрийн хэрэгжүүлэгч иргэн Б.Төмөрбаатартай санхүүжилтийн гэрээ байгуулав
• Хөтөлбөрийн хэрэгжүүлэгч иргэн Б.Төмөрбаатар гэрээний ажлыг хугацаанд нь чанартай хэрэгжүүлснээр Өмнөговь аймгийн Ханбогд сумын сурагчид чөлөөт цагаа зөв боловсон өнгөрүүлэх газартай болов.