ТӨСЛИЙН ҮНДЭСЛЭЛ:
     Ханбогд сум нь уул, уурхай, хил гааль, нүүрсний тээвэрлэлтийг түшиглэсэн томоохон төв суурин газар тул хүн ам олноор шилжин ирж суурьшсаар сумын хүн ам 10,000 гаруй болсон байна. Үүнээс шалтгаалан сургуулийн өмнөх насны хүүхдийн тоо жил ирэх тутам өсөн нэмэгдэж цэцэрлэгийн анги дүүргэлт жил бүр хэтэрдэг. Иймд бага насны хүүхдийг сурч боловсроход нь аюулгүй, тохилог орчинг бүрдүүлэх нэн шаардлагатай байна.
 

ТӨСЛИЙН ЗОРИЛГО:
     Ханбогд сумын 21-р цэцэрлэгийн өргөтгөлийн барилгын дээврийг шинэчилж, вакуум цонх суурилуулан 2 анги шинээр нэмэгдүүлэн засварлах.

ТӨСЛИЙН ХҮРЭЭНД ХИЙГДЭХ АЖИЛ:

• Вакуум цонх суурилуулах ажил
• 2 ангийн модон шалыг пракетаар солих
• 2 ангийн дээврийг засах

ТӨСЛИЙН ҮР ӨГӨӨЖ:

• 3-5 ажлын байр шинээр нэмэгдэнэ
• Багш, хүүхдүүд тохилог орчинд ажиллаж, сурах орчин бүрдэнэ
• Сургалтын өмнөх боловсролын чанар, хүртээмж сайжирна

ТӨСЛИЙН ХЭРЭГЖИЛТ, ҮР ДҮН:

• “Говийн Оюу хөгжлийг дэмжих сан”-гийн 2018 оны 3 дугаар сарын 15-ны өдрийн Удирдах зөвлөлийн хурлын 8 тоот тогтоолоор батлагдсан Зорилтот сумдад жил бүр олгох санхүүжилтийн хүрээнд “Жаргалтай хүүхдүүд” төслийг хэрэгжүүлсэн
• Ханбогд сумын ЗДТГ нь “Говийн Оюу хөгжлийг дэмжих сан”-гийн “Төсөл, хөтөлбөр санхүүжүүлэх удирдамж”, “Говийн оюу хөгжлийг дэмжих санд ирүүлсэн саналыг хянан үзэх, үнэлэх, шийдвэр гаргах протокол”-д нийцүүлэн эрэмбэлэх, сонгон шалгаруулах ажлын хэсгүүдийн шийдвэрээр төслийг сонгон шалгаруулсан
• “Говийн Оюу хөгжлийг дэмжих сан” нь захиалагч Ханбогд сумын ЗДТГ болон төслийн гүйцэтгэгч Ханбогд сумын 21-р цэцэрлэгтэй санхүүжилтийн гэрээ байгуулав
• Ханбогд сумын засаг даргын захирамжаар байгуулагдсан ажил хүлээлцэх комиссын шийдвэрээр төслийн ажлыг хүлээж авсан
• Төслийн гүйцэтгэгч Ханбогд сумын 21-р цэцэрлэг гэрээний ажлыг хугацаанд нь чанартай гүйцэтгэн комисст хүлээлгэн өгснөөр Өмнөговь аймгийн Ханбогд сумын 21-р цэцэрлэгт шинээр 3-5 ажлын байр бий болж багш, хүүхдүүд тохилог орчинд ажиллаж, сурах орчин бүрдэн сургуулийн өмнөх боловсролын чанар, хүртээмж сайжирсан.