ХӨТӨЛБӨРИЙН ҮНДЭСЛЭЛ:

     Ахлах ангийн сурагчдад мэргэжлээ зөв сонгох, өөрийгөө зөв илэрхийлж сурах, нийгэмд эзлэх тодорхой байр суурьтай хүн болж төлөвшихөд нь туслах үүднээс хичээлээс гадуурх үйл ажиллагаагаар илтгэл, эсээ бичих, аливаа сэдвийн хүрээнд судалгаа хийж үр дүнг нь боловсруулах, бусдад танилцуулах, хэлэлцүүлэх, мэтгэлцэх зэргээр чадавхжуулах шаардлагатай байдаг.
 

ХӨТӨЛБӨРИЙН ЗОРИЛГО:

Хөтөлбөрт хамрагдсан ахлах ангийн сурагчдад мэргэжлээ зөв сонгох, өөрийгөө зөв илэрхийлж сурах, нийгэмд эзлэх тодорхой байр суурьтай хүн болж төлөвшихөд нь дэмжлэг үзүүлэх
 

ХӨТӨЛБӨРИЙН ХҮРЭЭНД ХИЙГДЭХ АЖИЛ:

• Ханбогд сумын ЕБС-ийн 9-11-р ангийн 7 бүлгийн 210 сурагчийг 3 сарын хугацаанд илтгэх мэтгэлцэх, өөрийгөө тодорхой илэрхийлэх чадварт сургана.
• Сургалттай холбоотой үйл ажиллагаануудыг зохион байгуулна. (илтгэлийн болон эсээ бичлэгийн уралдаан, хэлэлцүүлэг, мэтгэлцээн өрнүүлэх)
• Сурагчдын чадавх оролцооны судалгааг хийнэ.

ХӨТӨЛБӨРИЙН ҮР ӨГӨӨЖ:
     Ханбогд сумын ЕБС-ийн ахлах ангийн сурагчдад ярих, илтгэх, тодорхой сэдвээр илтгэл эсээ бичих дадал чадвар олгох, мөн сурагчдын багаар ажиллах, бие биеэсээ суралцах боломжийг нэмэгдүүлэх, тэднийг санаа бодлоо чөлөөтэй илэрхийлэх, соёлтойгоор мэтгэлцэж сурах, бусдыг сонсох чадварт сургана. Мөн тус сумын сургуулийн хэмжээний нийт ахлах ангийн сурагчдыг тодорхой боловсруулсан хөтөлбөр бүхий сургалтаар дээрх чадваруудыг эзэмшүүлж ярих, бичих, мэтгэлцэх чадварт үе шаттайгаар суралцуулж хөгжүүлнэ.
 

ХӨТӨЛБӨРИЙН ХЭРЭГЖИЛТ, ҮР ДҮН:

• “Говийн Оюу хөгжлийг дэмжих сан”-гийн 2018 оны 3 дугаар сарын 15-ны өдрийн Удирдах зөвлөлийн хурлын 8 тоот тогтоолоор батлагдсан Зорилтот сумдад жил бүр олгох санхүүжилтийн хүрээнд “Чадварлаг сурагчаас оюунлаг иргэн” хөтөлбөрийг хэрэгжүүлсэн
• Ханбогд сумын ЗДТГ нь “Говийн Оюу хөгжлийг дэмжих сан”-гийн “Төсөл, хөтөлбөр санхүүжүүлэх удирдамж”, “Говийн Оюу хөгжлийг дэмжих санд ирүүлсэн саналыг хянан үзэх, үнэлэх, шийдвэр гаргах протокол”-д нийцүүлэн эрэмбэлэх, сонгон шалгаруулах ажлын хэсгүүдийн шийдвэрээр төслийг сонгон шалгаруулсан
• “Говийн Оюу хөгжлийг дэмжих сан” нь захиалагч Ханбогд сумын ЗДТГ болон хөтөлбөрийн хэрэгжүүлэгч “Оюуны-Өргөө Ханбогд”ТББ-тай санхүүжилтийн гэрээ байгуулав
• Хэрэгжүүлэгч “Оюуны-Өргөө Ханбогд” ТББ хөтөлбөрийн гэрээний ажлыг хугацаанд нь чанартай хэрэгжүүлснээр Өмнөговь аймгийн Ханбогд сумын ЕБС-ийн 9-11-р ангийн 7 бүлгийн 210 сурагчдын илтгэх, үзэл бодлоо зөв нээлттэй илэрхийлэх, багаар ажиллах чадварууд дээшилсэн