ХӨТӨЛБӨРИЙН ҮНДЭСЛЭЛ:

     Ханбогд сум уул уурхай, хил гааль түшиглэсэн томоохон суурин газар болон өргөжиж хүн амын төвлөрөл ихэссэнийг дагаад бизнес эрхлэх таатай орчин, нөхцөл бүрдсэн. Одоогийн байдлаар тус суманд бүртгэлтэй хязгаарлагдмал хариуцлагатай компани-356, хоршоо-11, төсөвт байгууллага-14, ОНӨААТҮГ-3, төрийн бус байгууллага-16, ЗБН-1 нийт 401 аж ахуйн нэгж, байгууллага үйл ажиллагаа явуулдаг. Тэдгээрийн удирдах ажилтнуудад эдийн засаг, санхүүгийн талаар мэдлэг мэдээлэл өгөх, дэмжин туслах, чадавхжуулах шаардлагатай байна.
 

ХӨТӨЛБӨРИЙН ЗОРИЛГО:

     Иргэд, аж ахуйн нэгж, байгууллагад бизнесээ удирдан зохион байгуулах, төсөв, санхүүгийн талаарх мэдлэгээ сайжруулах, бизнесээ өргөжүүлэх, үр ашигтай ажиллахад нь дэмжлэг болох

ХӨТӨЛБӨРИЙН ХҮРЭЭНД ХИЙГДЭХ АЖИЛ:

     6 удаагийн сургалтанд нийт 200 хүн хамрагдаж, худалдан авах ажиллагааны А3 сертификат-30 хүнд, няравын үнэмлэх-20 хүнд шалгалтын дүнгээр олгоно

ХӨТӨЛБӨРИЙН ҮР ӨГӨӨЖ:
     Хөтөлбөрт хамрагдсан иргэд, аж ахуй нэгж байгууллага нь бизнесээ удирдан зохион байгуулахад төсөв санхүүгийн талаар мэдлэгтэй болж, бизнесээ өргөжүүлэх, үр ашигтай ажиллахад дэмжлэг болно, ТБОНӨХБАҮХАТухай хуулийн хэрэгжилтийг ханган тендерийн үнэлгээний хороонд орох боломжтой гишүүдийн тоог нэмэгдүүлэх, мөн цаашлаад суманд санхүүгийн зөвлөх үйлчилгээ үзүүлдэг бие даасан нэгжтэй болох юм.

ХӨТӨЛБӨРИЙН ХЭРЭГЖИЛТ, ҮР ДҮН:

• “Говийн Оюу хөгжлийг дэмжих сан”-гийн 2018 оны 3 дугаар сарын 15-ны өдрийн Удирдах зөвлөлийн хурлын 8 тоот тогтоолоор батлагдсан Зорилтот сумдад жил бүр олгох санхүүжилтийн хүрээнд “Бизнес хөтөч” хөтөлбөрийг хэрэгжүүлсэн
• Ханбогд сумын ЗДТГ нь “Говийн Оюу хөгжлийг дэмжих сан”-гийн “Төсөл, хөтөлбөр санхүүжүүлэх удирдамж”, “Говийн оюу хөгжлийг дэмжих санд ирүүлсэн саналыг хянан үзэх, үнэлэх, шийдвэр гаргах протокол”-д нийцүүлэн эрэмбэлэх, сонгон шалгаруулах ажлын хэсгүүдийн шийдвэрээр хөтөлбөрийг сонгон шалгаруулсан
• “Говийн Оюу хөгжлийг дэмжих сан” нь захиалагч Ханбогд сумын ЗДТГ болон хөтөлбөрийн хэрэгжүүлэгч “Ханбогд хөгжлийн төлөө”ТББ-тай санхүүжилтийн гэрээ байгуулав
• Хэрэгжүүлэгч “Ханбогд хөгжлийн төлөө”ТББ хөтөлбөрийн гэрээний ажлыг хугацаанд нь чанартай хэрэгжүүлснээр Өмнөговь аймгийн Ханбогд сумын иргэд, аж ахуй нэгж байгууллага нь бизнесээ удирдан зохион байгуулах төсөв санхүүгийн талаар мэдлэгтэй болж, бизнесээ өргөжүүлэх, үр ашигтай ажиллахад дэмжлэг болно. Түүнчлэн ТБОНӨХБАҮХАТухай хуулийн хэрэгжилтийг ханган тендерийн үнэлгээний хороонд орох боломжтой гишүүдийн тоог нэмэгдүүлэх, мөн цаашлаад суманд санхүүгийн зөвлөх үйлчилгээ үзүүлдэг бие даасан нэгжтэй болох юм.