ТӨСЛИЙН ҮНДЭСЛЭЛ, ХЭРЭГЦЭЭ
ШААРДЛАГА

Дэлхийн уур амьсгалын өөрчлөлт, хүний зохисгүй үйл ажиллагааны нөлөөгөөр манай оронд цөлжилт, хөрсний элэгдэл ихэсч, усны нөөц, биологийн төрөл зүйл хомсдох, байгалийн гамшгийн давтамж нэмэгдэх асуудал үүсч байгаа нь Ханбогд суманд мэдрэгдэж цөлжилт ихээр явагдах болсон. Уг асуудлыг шийдэхийн тулд ойжуулалтын ажил хийх зайлшгүй шаардлагатай байсан.

ТӨСЛИЙН ХҮРЭЭНД ХИЙСЭН АЖИЛ

Уг төслийн хүрээнд Ханбогд сумын ЗДТГ-аас нэр заасан, Ханбогд сумын ерөнхий төлөвлөгөөнд тусгагдсан таван га ногоон байгууламжийн талбайд 10,000 навчит мод, гурван зүйлийн жимс жимсгэний 12,000 мод тарьж мод үржүүлгийн газар байгуулан ойжуулах ажлыг Ханбогд сумын “Говийн газар шороо” ТББ 2016-2019 оны хооронд хийж гүйцэтгэхээр ажиллаж байна. 

ТӨСЛИЙН ҮР ӨГӨӨЖ

Байгаль орчны мэдлэгийг оюутан, сурагч, орон нутгийн иргэдэд олгох, тэднийг мод тарих, арчлахад сургаж экологийн тэнцвэрийг хамгаалах, цөлжилт болон хуурайшилттай тэмцэх, бичил цаг уурын таатай нөхцөлийг бүрдүүлэх, бэлчээрийн даац нэмэгдэж малчид бэлчээрээ зөв зохистой ашиглах боломжийг нээж өгнө.