ТӨСЛИЙН ҮНДЭСЛЭЛ:

     Ханбогд суманд 2024 оны байдлаар албан ёсны бүртгэлтэй 8082 хүн ам тоологдсон. Дээрх хүн амын 3% (Хөгжлийн бэрхшээлтэй иргэн -102, бүтэн болон хагас өнчин хүүхэд-27, асаргаанд байдаг иргэн-29, өрх толгойлсон эцэг, эх-22, амьжиргааны түвшин доогуур айл өрх-20)-ийг зорилтот бүлгийн иргэд эзэлж байгаа судалгаа гарсан байна. Эдгээр иргэдийн амьжиргааны түвшнийг дээшлүүлж амьдралын чанарыг сайжруулах, нэмэлт орлоготой болгох, нийгмийн оролцоог хангах зэрэг олон асуудлууд тулгардаг. Төслийн санаачлагч “Ерөөлөөр энэрэх галба” НҮТББ нь 2023 онд үүсгэн байгуулагдаж Ханбогд суманд зорилтот бүлгийн иргэдийн хууль ёсны эрх ашгийг хамгаалах, нийгмийн оролцоог дэмжих, төсөл хөтөлбөр хэрэгжүүлэх, сургалт, мэдээ мэдээллээр хангах, төрийн болон төрийн бус байгууллагуудтай хамтран ажиллах үндсэн үйл ажиллагаа эрхэлдэг бөгөөд дээрх зорилтот бүлгийн иргэдэд чиглэсэн тодорхой хэмжээний мэргэшүүлэх, чадваржуулах сургалтуудыг зохион байгуулах туршлага, хэрэгцээ шаардлага байгаа гэж үзэн төслийг санаачилжээ.

ТӨСЛИЙН ЗОРИЛГО:

     Ханбогд сумын зорилтот бүлгийн иргэдийн амьжиргааны түвшин дээшлүүлэх, амьдралын чанарыг сайжруулах нэмэлт орлоготой болгох, нийгмийн оролцоог хангах зэрэг олон тулгамдсан асуудлуудыг шийдвэрлэх мэргэшүүлэх, чадваржуулах сургалтууд зохион байгуулахад шаардагдах техник хэрэгслийг нийлүүлэх.

ТӨСЛИЙН ХҮРЭЭНД ХИЙГДСЭН АЖИЛ:

     Ханбогд сумын “Ерөөлөөр энэрэх галба” НҮТББ-д шаардлагатай тоног төхөөрөмж, бичгийн ширээ нийт 3 барааг нийлүүлсэн.

ТӨСЛИЙН ҮР ДҮН:

     Ханбогд сумын зорилтот бүлгийн иргэдийн амьжиргааны түвшин дээшлүүлэх, амьдралын чанарыг сайжруулах нэмэлт орлоготой болгох, нийгмийн оролцоог хангахад дэмжлэг болно.