ТӨСЛИЙН ҮНДЭСЛЭЛ:

     Өмнөговь аймгийн Ханбогд сум нь албан ёсны бүртгэлтэй 8000 гаруй хүн амтай. Суманд бүсгүйчүүдэд зориулсан эко бүтээгдэхүүн болох ванны бөмбөлөг, ванны давс, сүү, саван гэх мэт зүйлсийг захиалгаар хийж, борлуулдаг бусдад зааж сургадаг үйлчилгээ байдаггүй бөгөөд зарим дэлгүүрүүд Улаанбаатарт хийгдсэн бүтээгдэхүүнийг цөөн төрлийг авчирч зах зээлийн ханшнаас өндөр үнэтэй борлуулдаг. Төслийн санаачлагч Д.Аюуш нь 2018 оноос хойш өөрийн сонирхлоороо зүү ороож даалин бүс, ээмэг, бөгж гоёл чимэглэлийн зүйлс, саван, уруул өнгөлөгч зэрэг бүтээгдэхүүн хийж өрхийн орлогоо нэмэгдүүлдэг бөгөөд сүүлийн жилд ванны бөмбөлөг, ванны сүү, тансаг үнэрт лаа, давсан урлал, өөхөн тосоор эдийн саван гэх мэт зүйлсийг хийдэг болсон. Мөн цаашид эпокси урлал, цементэн урлал зэргээр сонирхлоо тэлэх зорилготой байгаа. Д.Аюуш: Захиалагчийнхаа хүссэн сонирхол нийцүүлэн хүссэн хэв загвар, өнгийг сонгож, худалдан авагчийн худалдан авах чадварт тохируулан, харилцан зөвшилцөж хийх тул, манай бүтээгдэхүүнийг хэрэглэсэн хэрэглэгч бүр, сэтгэл ханамжтай байх болно.

ТӨСЛИЙН ЗОРИЛГО:     

     Ханбогд сумын гар урлалд сонирхолтой 5 бүсгүйд гар доорх материалаар гэр ахуйн хэрэглээний саван, лаа гэх мэт бүтээгдэхүүн хэрхэн хийх талаар богино хугацааны сургалт зохион байгуулах.

ТӨСЛИЙН ХҮРЭЭНД ХИЙГДСЭН АЖИЛ:
     Ханбогд сумын 5 бүсгүйд даалин урлал, макраме урлал, давсан урлал, лаа урлал, саван урлалын 7 хоногийн сургалт зохион байгуулсан.
 

ТӨСЛИЙН ҮР ДҮН:
     Сургалтад хамрагдсан бүсгүйчүүдийн тэдний авьяас чадвар, өрхийн санхүүд дэмжлэг болох, энэ чиглэлийн гар урлалыг түгээн дэлгэрүүлэх.