ЦАГ УУРЫН ӨРТӨӨНИЙ АРИУН ЦЭВРИЙН ӨРӨӨНИЙ ТОХИЖИЛТ
Манлай сумын цаг уурын өртөө нь 1962 онд байгуулагдсан. Өртөөний эрхлэгч, 4 ээлжийн техникч, нийт 5 хүний бүрэлдэхүүнтэй ажиллаж байна. Хоногийн 24 цагийн турш тасралтгүй ажиллаж, Манлай сумын цаг агаарын орчны мэдээг /агаарын хэм, даралт, салхины хурд, үүлний үзэгдэх орчин г.м/ Өмнөговь аймгийн Цаг уур орчны шинжилгээний төвд 3 цаг тутам дамжуулдаг.
ДОТУУР БАЙР – ТАВ ТУХТАЙ ОРЧИН
Манлай сумын дотуур байр нь 1977 онд ашиглалтад орж, түүнээс хойш одоог хүртэл үйл ажиллагаагаа явуулж байна. 2007 онд дотуур байранд дотоод тохижилтын ажил хийснээс хойш нэмэлт тохижилт хийгдээгүй тул өрөө тасгуудын тохижилт шаардлага хангахгүй байгаагаас гадна хүүхдийн хэрэглэдэг эд хогшил, тоног төхөөрөмжүүд нь олон жил ашигласны улмаас элэгдэж муудан ашиглах боломжгүй болсон тул нэн тэргүүнд солих шаардлагатай байгаа юм.
ЭКО ХОГИЙН САВ
Сүүлийн үед дэлхий нийтийн өмнө тулгамдаад байгаа томоохон асуудлуудын нэг бол хог хаягдал юм. Ялангуяа хуванцар хог хаягдал урт хугацаанд байгальд оршин байдаг, бүрэн задарч дуустлаа олон арван жил хүрээлэн буй орчныг бохирдуулан, хорт бодис ялгаруулсаар байх юм.
СТАНДАРТАД НИЙЦСЭН ТОХИЛОГ АЖЛЫН БАЙР
Ард иргэдэд төрийн үйлчилгээг түргэн шуурхай, хүртээмжтэй, чанартай хүргэх, төрийн үйлчилгээнд чанарын менежментийн тогтолцооны олон улсын стандартыг хэрэгжүүлэх ажлыг үе шаттай хэрэгжүүлэх зорилго зорилтыг улс, аймгийн хэмжээнд дэвшүүлж байгаа өнөөгийн нөхцөлд бид төрийн үйлчилгээндээ энэхүү стандартыг нэвтрүүлэх ажлыг эхлүүлээд байна.
ОЙН ЗУРВАСЫН УСАЛГАА
Тэрбум мод үндэсний хөтөлбөрийн хүрээнд сумын зүүн хойд талд шинээр ойн зурвас байгуулсан. Тухайн ойн зурвас нь услалтын системд холбогдоогүй тул нөөцийн сав автомашинаар ус зөөж усалдаг.
УЛАМЖЛАЛТ СЭРГЭЭН ЗАСАХ КАБИНЕТ
Уламжлалт эмчилгээ хийх кабинеттай болсноор 7 хоногийн ажлын 5 хоногт 5 удаа сумын эрүүл мэндийн төвд хянагдаж буй болон үйлчлүүлж буй иргэд тэдгээрийн гэр бүлийн гишүүдэд хөтөлбөрийн дагуу эмчилгээ, үйлчилгээ үзүүлж эмчилгээний явц, үр дүн, барих гам зэрэг зөвлөмж сургалтыг үе шаттай зохион байгуулж, гам бариагүйгээс үүсэж болох хүндрэлээс сэргийлэх зөвлөгөө мэдээллийг цахим мэдээлэл хаягаар дамжуулан тогтмол зохион байгуулахад дэмжлэг болох юм
